1ܣܵܒܵܒ ܒܸܒܲܥܝܵܐ ܝܘܸܢ ܕܝܲܕܥܝܼܬܘܿܢ؛ ܐܲܚܘܿܢܘܵܬܝܼ̈؛ ܕܐܵܒܼܵܗܵܬܲܢ ܟܠܵܝܗܝ ܬܚܘܿܬ ܥܢܵܢܵܐ ܗَܘܹܐܠܗَܘܿܢ؛ ܘܟܠܵܝܗܝ ܡ̣ܢ ܓܵܘ ܝܵܡܵܐ ܥܒܸܪܘܿܢ؛ 2ܘܟܠܵܝܗܝ ܠܡܘܼܫܹܐ ܥܡܸܕܠܘܿܢ ܒܥܢܵܢܵܐ ܘܒܝܵܡܵܐ؛ 3ܘܟܠܵܝܗܝ ܗܲܪ ܚܕܵܐ ܡܹܐܟܼܘܼܠܬܵܐ ܪܘܼܚܵܢܵܝܬܵܐ ܐَܟܸܠܘܿܢ؛ 4ܘܟܠܵܝܗܝ ܗܲܪ ܚܲܕَ ܫܬܵܝܵܐ ܪܘܼܚܵܢܵܝܵܐ ܫܬܹܐܠܘܿܢ؛ ܣܵܒܵܒ ܕܫܬܹܐܠܘܿܢ ܡ̣ܢ ܟܹܐܦܵܐ ܕܪܘܼܚܵܐ ܕܐَܬܹܐܠܹܗ ܒܵܬَܪܵܝܗܝ؛ ܘܗ̇ܘ ܟܹܐܦܵܐ ܡܫܝܼܚܵܐ ܗَܘܵܐ. 5ܐܝܼܢܵܐ ܒܪܵܒܵܐ ܡܸܢܵܝܗܝ ܠܵܐ ܒܣܸܡܠܵܐ ܠܹܗ ܐܲܠܵܗܵܐ؛ ܣܵܒܵܒ ܦܸܫܠܗَܘܿܢ ܡܘܼܢܦܸܠܹܗ ܓܵܘ ܒܲܪܝܼܵܐ. 6ܐܝܼܢܵܐ ܐܲܢܹܐ ܗَܘܹܐܠܗَܘܿܢ ܛܘܼܦܣܵܐ ܐܸܠܲܢ؛ ܕܠܵܐ ܗܵܘܵܚ ܫܲܗَܘܘܼܬܹܐ ܠܒܝܼܫܵܬܹ̈ܐ؛ ܕܵܐܟܼܝܼ ܕܐܵܢܝܼ ܫܘܼܗَܘܸܬܠܘܿܢ. 7ܘܐܘܼܦ ܠܵܐ ܗܵܘܝܼܬܘܿܢ ܣܵܓܼܕܵܢܹ̈ܐ ܕܨܵܢܲܡܹ̈ܐ؛ ܕܵܐܟܼܝܼ ܕܐܘܼܦ ܡܸܢܵܝܗܝ ܗَܘܹܐܠܗَܘܿܢ؛ ܐܲܝܟܼ ܕܝܼܠܹܗ ܟܬܝܼܒܼܵܐ؛ ܝܬܸܒܼܠܹܗ ܛܵܝܸܦܵܐ ܠܹܐܟܼܵܠܵܐ ܘܠܸܫܬܵܝܵܐ؛ ܘܩܸܡܠܗَܘܿܢ ܠܛܵܒܼܘܿܠܹܐ. 8ܐܘܼܦ ܠܵܐ ܙܵܢܵܚ؛ ܕܵܐܟܼܝܼ ܕܡܸܢܵܝܗܝ ܙܢܹܠܘܿܢ؛ ܘܢܦܸܠܘܿܢ ܒܚܲܕَ ܝܵܘܡܵܐ ܥܸܣܪܝܼ ܘܬܠܵܬَܐ ܐܲܠܦܹ̈ܐ. 9ܠܵܐ ܓ̰ܵܪܒܵܚ ܠܡܫܝܼܚܵܐ؛ ܕܵܐܟܼܝܼ ܕܡܸܢܵܝܗܝ ܓ̰ܘܼܪܸܒܠܘܿܢ؛ ܘܬܘܼܠܩܵܝܠܘܿܢ ܚܘܼܘܵܘܵܬܹ̈ܐ. 10ܐܘܼܦ ܠܵܐ ܛܲܪܛܸܡܝܼܬܘܿܢ ܕܵܐܟܼܝܼ ܕܡܸܢܵܝܗܝ ܛܘܼܪܛܸܡܠܘܿܢ؛ ܘܬܠܸܩܠܘܿܢ ܒܝܲܕ ܡܲܚܪܸܒܼܵܢܵܐ. 11ܐܝܼܢܵܐ ܐܲܢܹܐ ܟܠܵܝܗܝ ܩܘܼܘܸܡܠܘܿܢ ܐܸܠܵܝܗܝ ܠܛܘܼܦܣܹ̈ܐ؛ ܘܦܸܫܠܗَܘܿܢ ܟܬܝܼܒܹܐ ܠܬܲܥܠܲܡܬܵܐ ܕܝܼܲܢ؛ ܕܥܲܠܲܢ ܡܛܸܠܵܗ ܚܲܪܬܵܐ ܕܥܵܠܡܹ̈ܐ. 12ܒܲܣ ܗ̇ܘ ܕܚܵܫܸܒܼ ܕܟܸܠܝܵܐ ܝܠܹܗ؛ ܗܵܘܹܐ ܗܸܫܝܵܪ ܕܠܵܐ ܢܵܦܸܠ. 13ܓ̰ܘܼܪܵܒܵܐ ܠܵܐ ܡܛܹܐܠܹܗ ܐܸܠܵܘܟܼܘܿܢ؛ ܐܸܠܵܐ ܐܲܝܟܼ ܕܠܒܢܲܝ̈ܢܵܫܵܐ؛ ܐܝܼܢܵܐ ܡܗܘܼܡܢܵܐ ܝܠܹܗ ܐܲܠܵܗܵܐ؛ ܕܠܹܐ ܫܵܒܸܩ ܠܵܘܟܼܘܿܢ ܕܦܵܝܫܝܼܬܘܿܢ ܓ̰ܘܼܪܒܹܐ ܙܵܘܕܵܐ ܡ̣ܢ ܕܡܵܨܝܼܬܘܿܢ؛ ܐܸܠܵܐ ܒܸܬ ܥܵܒܸܕ ܥܲܡ ܓ̰ܘܼܪܵܒܵܐ ܐܘܼܦ ܚܠܵܨܵܐ؛ ܕܵܐܟܼܝܼ ܕܡܵܨܝܼܬܘܿܢ ܠܩܵܒܘܿܠܹܐ. 14ܣܵܒܵܒ ܕܐܵܗܵܐ؛ ܡܘܼܚܸܒܝܼ̈؛ ܥܪܘܿܩܘܿܢ ܡ̣ܢ ܣܓܼܵܕܬܵܐ ܕܨܵܢܲܡܹ̈ܐ. 15ܐܲܝܟܼ ܕܠܥܵܩܸܠܕܵܪܹ̈ܐ ܒܹܐܡܵܪܵܐ ܝܘܸܢ؛ ܕܘܼܢܘܿܢ ܐܲܚܬܘܿܢ ܡܸܢܕܝܼ ܕܒܹܐܡܵܪܵܐ ܝܘܸܢ. 16ܗ̇ܘ ܟܵܣܵܐ ܕܫܵܟܲܪܬܵܐ ܕܒܵܪܘܿܟܹܐ ܝܘܵܚ؛ ܠܹܐ ܝܠܹܗ ܫܵܪܝܼܟܘܼܬܵܐ ܕܕܸܡܹܗ ܕܡܫܝܼܚܵܐ؛ ܘܠܲܚܡܵܐ ܗ̇ܘ ܕܒܸܩܨܵܝܵܐ ܝܘܵܚ؛ ܠܹܐ ܝܠܹܗ ܫܵܪܝܼܟܘܼܬܵܐ ܕܦܲܓܼܪܹܗ ܕܡܫܝܼܚܵܐ؛ 17ܣܵܒܵܒ ܐܲܚܢܲܢ ܟܲܕ ܪܵܒܵܐ؛ ܚܲܕَ ܠܲܚܡܵܐ؛ ܘܚܲܕَ ܦܲܓܼܪܵܐ ܝܘܵܚ ܣܵܒܵܒ ܟܠܲܢ ܗܲܪ ܡܗ̇ܘ ܚܲܕَ ܠܲܚܡܵܐ ܟܹܐ ܫܵܪܸܟܵܚ. 18ܚܙܹܐܡܘܿܢ ܠܝܼܣܪܵܝܹܠ ܕܒܒܸܣܪܵܐ. ܠܹܐ ܝَܠܵܗ̇ ܐܵܢܝܼ ܕܟܹܐ ܐܵܟܼܠܝܼ ܕܸܒܼܚܹ̈ܐ ܫܵܪܝܼܟܹܐ ܝܢܵܐ ܕܡܲܕܒܚܵܐ؛ 19ܒܲܣ ܡܘܼܕܼ ܒܹܐܡܵܪܵܐ ܝܘܸܢ؛ ܕܨܵܢܲܡ ܡܸܢܕܝܼ ܝܠܹܗ؛ ܝܲܢ ܕܸܒܼܚܵܐ ܕܨܵܢܲܡ ܡܸܢܕܝܼ ܝܠܹܗ؛ 20ܐܸܠܵܐ؛ ܗ̇ܘ ܡܸܢܕܝܼ ܕܕܵܒܼܚܝܼ ܚܲܢܦܹ̈ܐ؛ ܠܕܲܝܘܹ̈ܐ ܟܹܐ ܕܵܒܼܚܝܼ ܘܠܵܐ ܠܐܲܠܵܗܵܐ. ܐܝܼܢܵܐ ܠܹܐ ܒܵܣܡܵܐ ܠܝܼ ܕܗܵܘܝܼܬܘܿܢ ܫܵܪ̈ܝܼܟܹܐ ܕܕܲܝܘܹ̈ܐ. 21ܠܹܐ ܡܵܨܝܼܬܘܿܢ ܕܗܵܘܝܼܬܘܿܢ ܫܵܪ̈ܝܼܟܹܐ ܒܨܘܼܦܪܵܐ ܕܡܵܪܲܢ ܘܒܨܘܼܦܪܵܐ ܕܕܲܝܘܹ̈ܐ. 22ܝܲܢ ܡܲܥܒܼܘܼܪܹܐ ܝܘܵܚ ܒܩܲܝܪܲܬ ܠܡܵܪܲܢ؛ ܚܲܝܠܵܢܹ̈ܐ ܝܘܵܚ ܡܸܢܹܗ؛ 23ܟܠ ܡܸܢܕܝܼ ܒܕܲܣܬܘܼܪ ܝܼܠܹܗ؛ ܐܸܠܵܐ ܟܠ ܡܸܢܕܝܼ ܠܹܐ ܝܠܹܗ ܠܝܘܼܬܪܵܢܵܐ. ܟܠ ܡܸܢܕܝܼ ܒܕܲܣܬܘܼܪ ܝܼܠܹܗ؛ ܐܸܠܵܐ ܟܠ ܡܸܢܕܝܼ ܠܹܐ ܒܵܢܹܐ. 24ܐَܢܵܫܵܐ ܠܵܐ ܒܲܥܝܹܐ ܡܸܢܕܝܼ ܕܓܵܢܹܗ؛ ܐܸܠܵܐ ܟܠ ܐَܢܵܫܵܐ ܕܚܲܒܼܪܹܗ. 25ܟܠ ܡܸܢܕܝܼ ܕܦܵܝܸܫ ܙܘܼܒܢܵܐ ܓܵܘ ܩܲܨܵܒܚܵܢܵܐ؛ ܗܵܘܝܼܬܘܿܢ ܒܹܐܟܼܵܠܵܐ ܕܠܵܐ ܨܲܚܨܵܝܬܵܐ ܒܚܵܬܸܪ ܕܐܸܢܝܲܬ. 26ܣܵܒܵܒ ܐܲܪܥܵܐ ܕܡܵܪܝܵܐ ܝَܠܵܗ̇؛ ܘܡܸܠܝܘܼܬܘܼܗܿ. 27ܐܸܢ ܐَܢܵܫܵܐ ܡ̣ܢ ܠܵܐ ܡܗܘܼܡܢܹ̈ܐ ܩܵܪܹܐ ܠܵܘܟܼܘܿܢ ܘܒܵܣܡܵܐ ܠܵܘܟܼܘܿܢ ܠܹܐܙܵܠܵܐ؛ ܟܠ ܡܸܢܕܝܼ ܕܦܵܝܸܫ ܡܘܼܬܒܼܵܐ ܩܵܕَܡܵܘܟܼܘܿܢ ܐܟܼܘܿܠܘܿܢ؛ ܕܠܵܐ ܨܲܚܨܵܝܬܵܐ ܒܚܵܬܸܪ ܕܐܸܢܝܲܬ. 28ܐܝܼܢܵܐ ܐܸܢ ܐَܢܵܫܵܐ ܐܵܡܸܪ ܐܸܠܵܘܟܼܘܿܢ؛ ܐܵܗܵܐ ܕܒܼܝܼܚܵܐ ܝܠܹܗ؛ ܠܵܐ ܐܵܟܼܠܝܼܬܘܿܢ؛ ܒܚܵܬܸܪ ܕܗ̇ܘ ܕܡܘܼܚܙܸܐܠܹܗ ܘܕܐܸܢܝܲܬ. 29ܐܝܼܢܵܐ ܐܸܢܝܲܬ؛ ܒܹܐܡܵܪܵܐ ܝܘܸܢ؛ ܠܵܐ ܕܓܵܢܘܼܟ؛ ܐܸܠܵܐ ܕܗ̇ܘ ܐَܚܹܪَܢܵܐ. ܣܵܒܵܒ ܩܵܡܘܿܕܝܼ ܐܵܙܵܕܘܼܬܝܼ ܦܵܝܫܵܐ ܕܝܼܢܬܵܐ ܡ̣ܢ ܐܸܢܝܲܬ ܐܚܹܪَܬܵܐ؛ 30ܐܸܢ ܐܵܢܵܐ ܒܫܵܦܵܩܲܬ ܫܵܪܝܼܟܵܐ ܝܘܸܢ؛ ܩܵܡܘܿܕܝܼ ܦܝܵܫܵܐ ܝܘܸܢ ܓܕܝܼܦܵܐ ܒܡܸܢܕܝܼ ܕܐܵܢܵܐ ܫܵܟܘܿܪܹܐ ܝܘܸܢ؛ 31ܒܲܣ ܐܸܢ ܐܵܟܼܠܝܼܬܘܿܢ ܘܐܸܢ ܫܵܬܝܼܬܘܿܢ؛ ܘܐܸܢ ܡܸܢܕܝܼ ܥܵܒܼܕܝܼܬܘܿܢ؛ ܟܠ ܡܸܢܕܝܼ ܠܬܸܫܒܘܿܚܬܹܗ ܕܐܲܠܵܗܵܐ ܗܵܘܝܼܬܘܿܢ ܒܸܥܒܼܵܕܵܐ. 32ܕܠܵܐ ܬܲܪܩܲܠܬܵܐ ܗَܘܹܡܘܿܢ ܠܝܗَܘܼܕܵܝܹ̈ܐ؛ ܘܠܲܐܪ̈ܡܵܝܹܐ؛ ܘܠܥܹܕܬܵܐ ܕܐܲܠܵܗܵܐ. 33ܐܲܝܟܼ ܕܐܘܼܦ ܒܲܥܝܸܢ ܡܸܢܕܝܼ ܠܟܠ ܐَܢܵܫܵܐ ܟܹܐ ܫܵܦܪܸܢ؛ ܘܠܹܐ ܒܲܥܝܸܢ ܡܸܢܕܝܼ ܕܥܵܒܸܕ ܝܘܼܬܪܵܢܵܐ ܠܓܵܢܝܼ؛ ܐܝܼܢܵܐ ܗ̇ܘ ܕܠܪܵܒܵܐ ܥܵܒܸܕ ܝܘܼܬܪܵܢܵܐ؛ ܕܚܲܝܝܼ.